Zum Inhalt (ALT-C)
Zur Navigation (ALT-N)
Zur Startseite (ALT-S)

Gemeinde Train  |  E-Mail: info@gemeinde-train.de  |  Online: http://www.gemeinde-train.de

Hausordnung - "Droana Mundart"

 So haut unsa Schui hi

 

 

   Oiwei

 

  • I bi freindli und griaß gern. Liaba „Griaß di“ und „Servus“ als „Hallo“ oder „Tschüss“
  • Die Zauberwörter bittschön und dankschön sog i oft.
  • Andane lach i ned aus, i bin höflich und heif gern.
  • Neamad werd vo mir beleidigt, ogrempet oder gor gschlogn.
  • I schiab neamad o, plärr und rumpeld ned.

 

 

     Im Schulhaus

 

  • I pass auf unsa Schuihaus auf und arbat nix auf.
  • Joppn und Haubn häng i an d‘ Gardrob, i ziach Hausschua o und

        stei d‘ Straßenschua unta d‘ Benk.

  • Aufs Klo geh i wenn’s geht vor oder noch m Unterricht und in da Pause.

        Mit Babier, Wasser und Soafa mach i koan Schmarrn.

        S‘ Klo verlass i oiwei sauba.

  • An Abfoi wirf i in den richtign Kiwe.
  • Andane eana Zeich glang i net o.

 

 

     In da Schui

 

  • Auf meine Schuisachan und mein Plotz gib i guat obacht.
  • Beim Lerna bin i auf Draht, oba i geh neamad auf d‘ Nervan.
  • Wos i für’n Unterricht brauch, hob i ois dabei.
  • Zettln vo da Schui zoag i auf jedn Foi meine Eltern.
  • Beim Sport bin i nia gschert, fang in da Umkleide koan Streit o und raam zsamm.

 

     In da Pause

 

  • Auf‘m Kastanienplotz schau i auf andane Kinder auf, renn neamadn um und raaf ned.
  • I foig da Pauseaufsicht und hau ned ab. Wenn d’ Pause aus is, geh i sofort nei.
  • Auf‘s Spuizeich gib i obacht.
  • I wirf nix umanand.
  • In d‘ Kastanien geh i auf da Seitn und renn nia auf da Straß.

 

 

     Noch da Schui

 

  • Mein Plotz und d‘ Garderob ram i af, bevor i hoamgeh. Wos am Bodn liegt heb i af.
  • Auf da Stiagn geh i langsam.

 

 

 

 

Ois ko ma ned regeln.

I führ mi einfach a so af, wia

i mecht, dass de andern

bei mia dan.

 

 

 

 

I hob mia de Schuiordnung genau durchglesn und versprich, dass es eihoit.

 

I woaß, dass i wahrscheinli sogar a Straf kriag, wenn i mi ned dro hoit.

 

 


 

 

drucken nach oben